നൂറ്റാണ്ടുകൾക്കു മുൻപ് ജ്ഞാനികൾ വസിക്കുന്ന ഇടം എന്ന് അർഥം വരുന്ന മതി എന്ന സ്ഥലത്താണ് പുണ്യപുരാതന മതിക്കുന്ന്ഭഗവതി ക്ഷേത്രത്തിന്റെ ഉത്ഭവം ഉണ്ടാകുന്നത് .അഷ്ടമംഗല്യ പ്രശ്നത്തിൽ ക്ഷേത്ര മാഹാത്മ്യവും ആരംഭവും ചിന്തിച്ചപ്പോൾ സഹസ്രാബ്ദങ്ങൾക്കു മുൻപ് ഈ പ്രദേശം മനനത്തിലൂടെ ആത്മസ്വരൂപത്തെ സാക്ഷാൽക്കരിച്ച അനേകം ഋഷിവര്യന്മാർ തപസ്സനുഷ്ഠിച്ച പുണ്യസ്ഥലമായിരുന്നു എന്നും അവർ ധ്യാനിച്ച് ഉപാസിച്ച ദേവി ചൈതന്യം കാലക്രെമേണ അത് കേരളാബ്രാഹ്മണ കുടുംബക്കാർ ഏറ്റെടുത്തു പൂജാദി കർമങ്ങൾ നടത്തി വരികയും പിന്നീട് ആ ബ്രാഹ്മണ കുടുംബങ്ങൾ ക്ഷെയിച്ചു ക്ഷേത്രവും പരിസരവും പ്രകൃതി ക്ഷോഭത്താൽ നശിക്കാനിടവരികയും ചെയ്തു. പിന്നീട് ഈ ക്ഷത്രം ക്ഷത്രിയ ബന്ധത്തിൽ പെട്ടവർ പരിപാലിച്ചുവരികയും കാലാന്തരത്തിൽ പൂജാദികൾ യഥാവിധി നടക്കാതെ വന്നപ്പോൾ ദേവിയുടെ ഭക്തരായുള്ള നാട്ടുകാരുടെ സഹായസഹകരണത്തോടെ ഒരു ചെറിയ ക്ഷേത്രം പണികഴിപ്പിച്ചു അതിൽ പഞ്ചലോഹ വിഗ്രഹം പ്രതിഷ്ട്ട നടത്തി ആരാധിച്ചു പോന്നു പിന്നീട് 1988-89 കാലഘട്ടത്തിൽ പ്രമുഖ ജ്യോത്സ്യൻ അഷ്ടമംഗല്യ പ്രശ്നം വെക്കുകയും പ്രശ്നവശാൽ ക്ഷേത്രം പുതുക്കിപ്പണിയണമെന്നു തെളിയുകയും ,തുടർന്ന് നാട്ടുകാരും , ജാതി മത ഭേദമന്യേ മറ്റു ഭക്തജനങ്ങളുടെയും സഹായത്തോടെ ഇപ്പോൾ കാണുന്ന ക്ഷേത്രം പണികഴിപ്പിക്കുകയും 1996 ൽ ബ്രഹ്മശ്രീ :പുലിയന്നൂർ അനിയൻ നമ്പൂതിരിപ്പാടിന്റെ മുഖ്യ കാർമ്മികത്വത്തിൽ പുനഃ പ്രതിഷ്ഠ നടത്തുകയും ചെയ്തു . പ്രതിഷ്ഠക്കുശേഷം അദ്ദേഹം പറഞ്ഞത് ഇത് ഒരു മഹാക്ഷേത്രമാവും എന്നാണ് . ആ വാക്കുകൾ അർത്ഥവത്തായി . ഇന്ന് മതിക്കുന്ന് ഭഗവതി ക്ഷേത്രത്തിലേക്ക് വരുന്ന ഭക്തജനങ്ങൾ അതിനു തെളിവാണ് .